У матулі-школы слаўны юбілей

У матулі-школы слаўны юбілей

Вось і наступіла доўгачаканая сонечная раніца апошняга кастрычніцкага дзянька. Увесь месяц прайшоў  у прыемных перадсвяточных клопатах. Калектыў ДУА “Азярычынскі НПК дзіцячы сад-базавая школа”  рыхтаваўся да свята-145-годдзя школы. Вучні здымалі відэавіншаванні, рыхтавалі малюнкі і нумары мастацкай самадзейнасці, пісалі сачыненні. Настаўнікі прадставілі прэзентацыі “Школа ўчора, сёння, заўтра”, “Я свой лёс звязала з Азярычынскай  школай”.

Прагучалі фанфары, і свята пачалося.

Сярод ганаровых гасцей- прадстаўнікі ўпраўлення па адукацыі, спорту і турызму Пухавіцкага райвыканкама, старшыня Навапольскага сельскага Савета,  ААТ “Агра-Абярэг”, кіраўнікі  суседніх устаноў адукацыі, бацькі і выпускнікі розных гадоў. Усе госці прыйшлі не з пустымі рукамі, але самым доўгачаканым падарункам стаў сертыфікат на набыццё камп’ютарнага класа. Карыснымі і своечасовымі прыйшліся і іншыя падарункі.

На свята былі запрошаны ветэраны  педагагічнай працы-былыя дырэктары ўстановы адукацыі-Іванова Людміла Дзмітрыеўна, Ламан Тамара Анатольеўна, якія падзяліліся цікавымі ўспамінамі аб гадах сваёй працы.

Вучні школы  парадавалі ўсіх прысутных святочнай праграмай, у якой праявілі свае здольнасці і талент.

Доўгай і хвалюючай была падрыхтоўка да свята, хутка прайшоў святочны дзень, а калектыў нашай школы ўжо задумаўся аб подрыхтоўцы да святкавання 150-гадовага юбілею.

Понравилась статья? Поделиться с друзьями:
Добавить комментарий

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: